Kryetari i Qendrës “Gjenocidi në Kosovë – Plagë e Hapur”, Bardhyl Mahmuti, ka kërkuar mobilizimin e të gjitha partive politike dhe veprim institucional pas aktgjykimit të 16 shtatorit të Dhomave të Specializuara në Hagë.

Gjatë një konference për media të martën në Prishtinë, ai ka prezantuar një memorandum, përmes të cilit kërkon nga udhëheqësit e shtetit të Kosovës që të shpallin gjendje të jashtëzakonshme në vend, pas dënimit të ish-krerëve të UÇK-së.

Mahmuti ka theksuar se dënimi ishte politik dhe ka kërkuar që institucionet dhe subjektet politike të reagojnë në mënyrë të koordinuar, me qëllim arritjen e një konsensusi për zhbërjen e Dhomave të Specializuara.