Bardhec Seferi merr mandatin e ri në krye të Lidhjes Rajonale të Futbollit të Mitrovicës

Lidhja Rajonale e Futbollit të Mitrovicës ka mbajtur sot Kuvendin e saj zgjedhor, ku Bardhec Seferi mori besimin unanim të delegatëve të pranishëm në Kuvend për një mandat të ri në krye të LRM-s, ka njoftuar FFK-ja.

Bordi i ri i përzgjedhur në këtë Kuvend përbëhet nga: Xhavit Ala, Vehbi Brahimi, Granit Koçi, Naim Ferizi, Besim Haxhiu dhe Rafet Prekazi.

Seferi, duke falënderuar delegatët për besimin e dhënë për mandatin katërvjeçar, u zotua se do të vazhdojë të mbështesë dhe të jetë në shërbim të klubeve dhe shkollave të futbollit në Rajonin e Mitrovicës, me qëllim zhvillimin e mëtejshëm të futbollit në këtë rajon.