Barça ka në plan të sigurojë fonde për regjistrimin e Dani Olmos

Barcelona po harton plane për të siguruar fonde të reja për të garantuar regjistrimin e Dani Olmos në fillim të vitit 2025.

Regjistrimi i Olmos është i komplikuar për shkak të situatës financiare të ndjeshme që po kalon klubi katalanas.

Sipas burimeve nga La Liga, të kontaktuara nga “Mundo Deportivo”, Barcelona ka deri më 31 dhjetor për të zgjidhur këtë çështje, për të shmangur rrezikun që Olmo të mos mund të luajë në muajin janar.

Megjithëse Barcelona nuk do të zhvillojë përballjen e parë të ligës deri tre javë pas fillimit të vitit 2025, për shkak të Kupës së Mbretit dhe Superkupës së Spanjës, regjistrimi i lojtarëve bëhet nga Federata Spanjolle e Futbollit (RFEF), dhe ai mund të mbetet jashtë ndeshjes nëse nuk zgjidhet ky problem.

Në përgjigje të kësaj, klubi ka thirrur një votim për të finalizuar marrëveshjen e sponsorizimit me Nike më 21 dhjetor, për të siguruar fonde, shkruan Onefootball.com, përcjell Klankosova.tv.

Sidoqoftë, Barcelona po shqyrton mundësi të tjera financimi, duke përfshirë shitjen e vendeve VIP për 20 vitet e ardhshme, që do të sjellin një të ardhur të menjëhershme prej rreth 200 milionë euro në stadiumin e rinovuar “Camp Nou”.