Barazim ndaj Evertonit, Broja me shokë ndalin Arsenalin

Barazim ndaj Evertonit, Broja me shokë ndalin Arsenalin

Arsenali barazon 1-1 ndaj Everton, në ndeshjen e Premier League të luajtur në “Gudison Park”. Në minutën e 33-të, një zbritje e shpejtë e ekipit të Artetës finalizohet me gol.

Trosard lëvizi mirë para zonë dhe me një të majtë tokazi, ia doli që të dërgojë topin në rrjetë.

Me dominimin e mysafirëve përfundoi pjesa e parë, ndërsa fraksioni i dytë do ishte mjaft i luftuar.

Vendasit e nisën me mjaft dëshirë pjesën e dytë dhe ia dolën që të fitojnë penallti menjëherë, me arbitrin që akordoi 11-metërsh për Everton, pasi Herrison u pengua në zonë. Nga pika e bardhë nuk fali Ndiaj, i cili mposhti portierin kundërshtar.

Në minutën e 65-të u aktivizua edhe sulmuesi i kombëtares, Armando Broja, për t’i dhënë freskinë e duhur ofensivës së sulmit të Everton, raporton BallkanWeb.

Shifrat mbetën të njëjta deri në fund, me Arsenalin që renditet në vendin e dytë me 63 pikë, 11 pikë më pak se Liverpuli kryesues. Broja me shokë pozicionohen në vendin e 14-të me 35 pikë, me objektivin mbijetesë që duket i arritur.