Ballkani e Drita, sonte “all in” në garat evropiane

Ballkani dhe Drita do ta mësojnë fatin e tyre në garat evropiane mbrëmjen e sotme.

Dyshja e skuadrave kosovare do t’i zhvillojnë ndeshjet e kthimit në kuadër të raundit të tretë kualifikues të Ligës së Konferencës.

Të dyja shpresojnë në rikthim të rezultatit, pasi ndeshjet e para përfunduan në disfavor të tyre.

Ballkani u mposht 1-0 nga Larne në “Fadil Vokrri”, e edhe Drita e pësoi në Letoni nga Auda me po të njëjtin rezultat.

Ndeshja Larne – Ballkani zhvillohet në Irlandën e Veriut dhe nis nga ora 21:00, kurse Drita – Audra luhet në stadiumin “Fadil Vokrri” në Prishtinë me fillim nga ora 20:00.