Akademiku Arsim Bajrami ka deklaruar se shpreson që ish-krerët e UÇK-së të lirohen nga akuzat në procesin para Dhomave të Specializuara.

Në “Info Magazine” në Klan Kosova, Bajrami tha se shkeljet për të cilat ai thotë se kanë ndodhur ndaj katërshes së UÇK-së në Hagë, mund t’ia falen Gjykatës Speciale, nëse ajo sjell një aktgjykim lirues më 16 shtator.“Uroj që krejt këto shkelje që kemi diskutuar, unë mandej kam shkruar shumë, t’ia falim kësaj gjykate vetëm me një kusht – ta bie një aktgjykim të lirues, t’i lejojë njerëzit të kthehen në shtëpitë e veta, të kthehen në shtetin e vet dhe të vazhdojnë të kontribuojnë në procesin e drejtimit. Nëse ndodh kjo, atëherë do të mund të themi se kanë ndarë drejtësi”, tha Bajrami.