Sot, Administrata Tatimore e Kosovës hapi dyert e Qendrës së re për Shërbim të Tatimpaguesve, një hap i rëndësishëm drejt një administrate moderne, efikase dhe më pranë qytetarëve e bizneseve.

Drejtori i Përgjithshëm, Mentor Hyseni, dhe Ministri i Financave, Hekuran Murati, theksuan përkushtimin e institucionit për shërbime më të shpejta, transparente dhe të qasshme për të gjithë tatimpaguesit.

Vetëm gjatë vitit të kaluar:

✅ 53,749 shërbime të ofruara
✅ 92,473 vërtetime tatimore të lëshuara
✅ 67,272 e-vërtetime online

ATK-ja ka theksuar se vazhdon të investojë në digjitalizim, kapacitete profesionale dhe standarde më të larta shërbimi për çdo qytetar dhe biznes.