Federata e Arteve Mikse Marciale e Kosovës (FAMMK) ka shënuar një moment historik, duke fituar tri medalje në debutimin e saj në Kampionatin Evropian të MMA-së, të organizuar nga “Global Association of Mixed Martial Arts” në Loutraki të Greqisë.

Garuesi Ermal Berisha, fitoi medaljen e argjendtë në kategorinë -70 kg. Berisha zhvilloi një rrugëtim mbresëlënës drejt finales, duke regjistruar dy fitore të rëndësishme, por për shkak të një prerjeje serioze në vetull nuk u lejua nga stafi mjekësor të vazhdonte garimin në finalen e madhe.

Një tjetër sukses i rëndësishëm për Kosovën erdhi nga Ylli Rexhaj, i cili fitoi medaljen e bronztë në kategorinë -80 kg.

Në kategorinë e të rinjve, Muhamed Kashtanjeva, fitoi medaljen e bronztë në kategorinë -58 kg.