Analisti amerikan: “Javelin”-ët në Kosovë, mesazh për Putinin

Në një artikull autorial të botuar në agjencinë ndërkombëtare të lajmeve “Presenzza” të martën, analisti amerikan vlerësoi se shitja e sistemit të sofistikuar anti-tank “Javelin” në drejtim të forcimit të kapaciteteve mbrojtëse të Kosovës nuk do të jetë dërgesa e fundit e pajisjeve ushtarake: shumë pajisje të tjera do të dërgohen në Kosovë së shpejti, shtoi Ben-Meir.

“Shitja e raketave ‘Javelin’ nga SHBA-të drejt rritjes së fuqisë ushtarake të Kosovës nuk do të jetë dërgesa e fundit e pajisjeve ushtarake; furnizimet e tjera me pajisje ushtarake do të pasojnë sepse Forcat e Sigurisë së Kosovës (FSK) synojnë të kalojnë në një forcë ushtarake profesionale deri në vitin 2028 për të përmbushur standardet e NATO-s”, shkroi Ben-Meir të martën.

Vlera e “Javelin”-ëve amerikanë që Kosova dëshiron t’i blejë, në bazë të Agjencisë së Bashkëpunimit për Sigurinë dhe Mbrojtjen (DSCA), vlerësohet 75 milionë dollarë, ndërsa në pako përfshihen gjithsej 246 raketa dhe 24 njësi për lëshimin e tyre – një masë që synon rritjen e aftësive mbrojtëse të Kosovës, në përputhje me objektivat e sigurisë kombëtare të SHBA-së.

“Vendimi i SHBA-së për të shitur 240 sisteme raketore portative ‘Javelin’ që mund të shkatërrojnë tanke dhe automjete të tjera të blinduara është marrë për t’i dërguar një mesazh presidentit rus se SHBA-ja është plotësisht e angazhuar dhe përkushtuar për të përmirësuar sigurinë e partnerëve evropianë – kritike për stabilitetin politik dhe ekonomik në Evropë”.

Megjithatë, paralajmërimet e nxituara të kryeministrit kosovar Albin Kurti se Serbia dëshiron konflikt të armatosur në Kosovë, në pikëpamjen e analistit të njohur amerikan, veçse shkaktojnë tension dhe stres të panevojshëm. Ai shprehu dyshimet se kryeministri Kurti flet qëllimisht për luftë për të forcuar pozitën politike para zgjedhjeve nacionale në Kosovë.