Alves blen klubin evropian ku planifikon të luajë së shpejti

Nëntë muaj kanë kaluar që kur futbollisti i njohur braziian, Dani Alves, u lirua nga akuzat për përdhunim, pasi apeloi me sukses dënimin e tij fillestar në shkurt 2024.

Ish-mbrojtësi i Barcelonës, i cili së fundmi u rikthye si predikues, tani thuhet se planifikon një rikthim në futboll.

Alves luajti për herë të fundit si profesionist në janar 2023, vetëm disa ditë para se të arrestohej me dyshimin për përdhunim në një incident që ndodhi disa javë më parë.

Klubi i tij i atëhershëm Pumas ia ndërpreu kontratën sapo lajmi u bë publik, që do të thotë se braziliani nuk ka luajtur për gati tre vjet. Megjithatë, ESPN Brazil raporton se Alves është gati të luajë përsëri futboll.

42-vjeçari, i cili mbetet nën hetim pasi Zyra e Prokurorit të Shtetit ka apeluar lirimin e tij, thuhet se është afër blerjes së klubit portugez të divizionit të tretë São João de Ver së bashku me një grup investitorësh. Plani i tij është të regjistrohet si lojtar sapo të përfundojnë negociatat.

Braziliani, synon të nënshkruajë për Sao Joao de Ver në janar dhe të luajë gjysmën e dytë të sezonit me klubin e tij të ri. Pas kësaj, ai do t’i thotë zyrtarisht lamtumirë karrierës së tij si lojtar dhe do t’i përkushtohet rolit të pronarit të klubit.

Nëse transaksioni përfundon, Alves do të ndjekë shembullin e Vinicius Junior, i cili mori pjesë në blerjen e ekipit portugez Alverca këtë vit së bashku me një konsorcium investitorësh. Klubi fitoi ngjitjen në Ligën Portugeze sezonin e kaluar.

Alverca aktualisht zë një vend të dhjetë shumë të fortë në kampionatin portugez, përpara klubeve të tilla si Rio Ave dhe Santa Clara. Alves shpreson ta çojë klubin e tij të ri në një nivel të ngjashëm në vitet e ardhshme, raporton Klan Kosova.