Albin Kurti: Kriminaliteti po goditet në çdo cep të vendit

Kryeministri në detyrë Albin Kurti ka shkruar në “Facebook” për një aksion policor në veri të vendit, ku policia gjen një punëtori ku bëhej modifikimi i armëve.

Ai ka thënë se kriminaliteti po goditet në çdo cep të vendit.

“Veprimtaria ilegale e zbuluar dhe kapur nga operacioni policor në Mitrovicë të veriut dhe Zveçan, tregon për tentativat për cenim të sigurisë që përballen me nivel të lartë profesionalizmi të Policisë së Kosovës dhe institucioneve të sigurisë. Autorët duhet të dënohen për të garantuar që drejtësia nuk e zhbën punën e madhe që po zhvillojnë organet e sigurisë”, ka shkruar Kurti.