Aktori Jean-Claude Van Damme akuzohet për marrëdhënie seksuale me 5 rumune të trafikuara

Aktori i njohur Jean-Claude Van Damme është akuzuar për kryerjen e marrëdhënieve seksuale me disa rumune për të cilat ishte në dijeni se ishin trafikuar.

Mediat amerikane  raportojnë se në Direktoratin Rumun për Hetimin e Krimit të Organizuar dhe Terrorizmit  është ngritur një padi ku thuhet se aktori 64-vjeçar është përfshirë në raporte seksuale me 5 vajza të trafikuara nga një grup kriminal që besohet se udhëhiqet nga biznesmeni rumun, Morel Bolea.

Vajzat iu prezantuan ish-luftëtarit të arteve marciale si “dhuratë”, ndërsa aktet e larpërmendura ndodhën në Kanë, gjatë një eventi të organizuar prej tij. Periudha kur kanë ndodhur nuk përmendet.

“ Ato ishin në një gjendje të cenueshme, me dyshimin se ishin shfrytëzuar siç përmendet në artikullin 182 të Kodit Penal. Në një moment në Kanë, në një event të organizuar nga Jean-Claude Van Damme, disa rumunë që po hetohen për organizimin e një grupi kriminal dhe trafikimit, i ofruan Jean-Claude Van Damme 5 vajza rumune, fotomodele në Rumani që ai të kryente marrëdhënie seksuale”, shprehet avokati i njërës prej vajzave, raporton BallkanWeb.