Aktakuzë ndaj një personi për dhunë seksuale gjatë luftës në Kosovë

Prokuroria Speciale e Kosovës njoftoi se ka ngritur aktakuzë ndaj Z.N, të nacionalitetit serb, nën dyshimet se ka kryer veprën penale “krime lufte kundër popullatës civile” në Kosovë.

“Hetimet kanë vërtetuar se gjatë periudhës kohore të luftës në Kosovë gjatë vitit 1998-1999, i pandehuri ka kryer dhunë seksuale si krim i luftës ndaj një viktimë të nacionalitetit shqiptar”, u tha në njoftimin e Prokurorisë Speciale.

Prokuroria Speciale tha se i pandehuri tashmë gjendet në paraburgim, duke mos dhënë më shumë detaje.