Aksidentohet zjarrfikësja në Shkodër, lëndohen dy persona

Dy punonjës të zjarrfikëses në Shkodër kanë mbetur të lënduar në një aksident rrugor, teksa po shkonin të shuanin një zjarr.

Ngjarja është regjistruar pranë fshatit Vukatanë, ku 30 vjeçari K.M. ka humbur kontrollin e mjetit, i cili më pas ka dalë nga rruga dhe për pasojë ka mbetur i lënduar dhe një kolegu i tij, raporton A2.

“Rreth orës 18:20, në fshatin “Vukatanë”, shtetasi K. M., 30 vjeç, duke drejtuar automjetin zjarrfikës, dyshohet se ka humbur kontrollin mbi drejtimin e automjetit dhe automjeti ka dalë nga rruga. Si pasojë janë dëmtuar lehtë, jashtë rrezikut për jetën shtetasit K. M. dhe R. K., ( punonjës të shërbimit zjarrëfikës). Grupi hetimor po punon për sqarimin e rrethanave dhe shkakut të daljes nga rruga”, shkruhet në njoftimin e policisë për këtë rast.