Ish-deputetja e LV-së, Aida Dërguti, i është bashkuar të enjten Partisë Demokratike të Kosovës. Lajmin e ka bërë me dije lideri i kësaj partie, Bedri Hamza, teksa e ka vlerësuar Dërgutin si një aktiviste të dalluar dhe qytetare të përgjegjshme, para se të jetë politikane.

“Sot e mirëprita në Partinë Demokratike të Kosovës, Aida Dërgutin, një aktiviste të dalluar dhe qytetare të përgjegjshme, para se të jetë politikane. Një zonjë që, për dekada me radhë, ka pasur vetëm një qëllim: t’i shërbejë Kosovës, në çfarëdo kapaciteti që i është besuar. Për Aidën, siç e dinë të gjithë, drejtësia është mbi të gjitha detyrë. Dhe, në këtë mision, do të punojmë bashkë. Mirë se erdhe në PDK, Aida!”, ka shkruar Hamza në “Facebook”.