Presidenti i Federata e Futbollit e Kosovës, Agim Ademi, ka uruar KFV Kosova (P) për shpalljen kampione në Ligën e Veteranëve të Kosovës.

Përmes një postimi në ‘Facebook’, Ademi ka përgëzuar futbollistët dhe stafin e KFV Kosova (P) për suksesin e arritur, pasi në ndeshjen finale mposhtën KFV Prizrenin me rezultat 3:1.

Ai theksoi se Liga e Veteranëve vazhdon të dëshmojë se dashuria për futbollin nuk njeh moshë, ndërsa futbollistët e gjeneratave të mëhershme mbeten ambasadorë të vlerave sportive dhe shembull për brezat e rinj.

Në fund, presidenti i FFK-së uroi kampionët për titullin e fituar, duke vlerësuar kontributin e veteranëve në promovimin e futbollit dhe sportit në Kosovë.