Presidenti i FFK-së, Agim Ademi, ka uruar KFV Deçanin për triumfin në finalen e Kupës së Kosovës për veteranë.

“Një finale e luftuar dhe e denjë për këtë garë, ku KFV Deçani fitoi me rezultat 2:1 ndaj KFV Ferizajt, duke dëshmuar përkushtimin, cilësinë dhe shpirtin garues që vazhdon t’i karakterizojë edhe sot”.

“Urime lojtarëve dhe stafit të KFV Deçani për këtë sukses të merituar. Respekt dhe vlerësim edhe për KFV Ferizajn për paraqitjen dinjitoze në finale. Mirënjohje edhe Ligës së Veteranëve të Kosovës për organizimin dhe mbarëvajtjen e garave, që mbetet shembulli më i mirë i dashurisë së përhershme për futbollin”, ka shkruar Ademi në Facebook.