Presidenti i Federatës së Futbollit të Kosovës, Agim Ademi, ka uruar Afrim Osmanaj për zgjedhjen e tij në krye të Federata e Futbollit Shqiptar në Gjermani.

Në Kuvendin Zgjedhor të mbajtur në Ludwigsburg, Osmanaj mori besimin e shumicës së delegatëve, duke triumfuar në garën për postin e kryetarit ndaj kandidatëve Arben Kelmendi dhe Bujar Neziri.

Përmes një postimi publik, Ademi i uroi Osmanajt suksese në mandatin e ri, duke shprehur besimin se vizioni dhe planprogrami i tij do ta avancojnë edhe më tej federatën gjatë katër viteve të ardhshme.

Postimi i tij në ‘Facebook’:

Urime Afrim Osmanajt për zgjedhjen kryetar i ri i Federatës së Futbollit Shqiptar në Gjermani.

Në Kuvendin Zgjedhor të mbajtur në Ludwigsburg, ai mori besimin e shumicës së delegatëve, duke fituar në garë me Arben Kelmendin dhe Bujar Nezirin.

I uroj shumë suksese në këtë detyrë të rëndësishme, me besimin se vizioni dhe planprogrami i tij do ta avancojnë edhe më tej FFSHGJ-në gjatë katër viteve të ardhshme.

Njëkohësisht, shpreh vlerësimin tim edhe për dy kandidatët e tjerë për korrektësinë e garës, si dhe angazhimin dhe kontributin e vazhdueshëm në zhvillimin e futbollit shqiptar në Gjermani.

Urime edhe të gjithë delegatëve dhe strukturave të federatës për organizimin e një kuvendi dinjitoz.

Bashkë do të vazhdojmë të punojmë për forcimin dhe zhvillimin e futbollit mbarëkombëtar kudo që ndodhen shqiptarët. ⚽🇽🇰🇦🇱