Presidenti i Federatës së Futbollit të Kosovës, Agim Ademi, ka bërë të ditur se ka zhvilluar një takim me mikun e tij të vjetër nga Federata Greke, Iakovos Filipousis, i cili aktualisht mban postin e sekretarit të përgjithshëm të Komitetit Ndërkombëtar të Lojërave Mesdhetare.

Përmes një postimi në rrjetet sociale, Ademi ka theksuar se Filipousis është një nga figurat kyçe për organizimin e Lojërave Mesdhetare që do të mbahen në Kosovë në vitin 2030.

“Një kafe me mikun tim të vjetër nga Federata Greke, Iakovos Filipousis, tani sekretar i përgjithshëm i Komitetit Ndërkombëtar të Lojërave Mesdhetare dhe një nga figurat kyçe për Lojërat Mesdhetare që do të mbahen në Kosovë në vitin 2030. Ishte kënaqësi ta takoj dhe të shkëmbejmë ide me të”, ka shkruar Ademi.