Presidenti i Federatës së Futbollit të Kosovës, Agim Ademi, ka pritur drejtuesit e klubeve që siguruan promovimin në kategoritë më të larta të garave të organizuara nga FFK-ja, duke i uruar për suksesin e arritur dhe duke vlerësuar punën e tyre të vazhdueshme.

Ademi theksoi se promovimi i këtyre klubeve është rezultat i përkushtimit, organizimit dhe zhvillimit të qëndrueshëm që ato kanë ndërtuar ndër vite, duke shtuar se puna dhe vizioni sportiv gjithmonë shpërblehen me arritje të merituara.

Në Superligë janë promovuar FC Vushtrria dhe FC Feronikeli 74, në Ligën e Parë FC Mitrovica dhe FC Lepenci, në Ligën e Dytë FC Dardana 10 dhe FC Istogu 03, në Superligën e Futsallit FC Policia dhe FC Rahoveci, ndërsa në Superligën e Vajzave është promovuar FC 2 Korriku.

Presidenti i FFK-së u uroi klubeve suksese në kategoritë e reja, duke shprehur bindjen se ato do të vazhdojnë të forcojnë organizimin profesional, të zhvillojnë kampionate cilësore dhe të japin kontribut të rëndësishëm në avancimin e futbollit dhe futsallit në Kosovë.

Në fund, Ademi i përgëzoi klubet për këtë arritje, duke u uruar suksese në kapitullin e ri të rrugëtimit të tyre sportiv.

Postimi i Ademit:

⭐Me kënaqësi të veçantë mirëprita drejtuesit e klubeve të cilët, falë punës së palodhur së bashku me stafet e tyre, përkushtimit të vazhdueshëm dhe zhvillimit të qëndrueshëm, kanë arritur me meritë promovimin në një kategori më lart në garat e organizuara nga Federata e Futbollit e Kosovës.

Mirë se erdhët në kategoritë tuaja të reja:

⚽Superliga: FC Vushtrria dhe FC Feronikeli 74
⚽Liga e Parë: FC Mitrovica dhe FC Lepenci
⚽Liga e Dytë: FC Dardana 10 dhe FC Istogu 03
⚽Superliga e Futsallit: FC Policia dhe FC Rahoveci
⚽Superliga e Vajzave: FC 2 Korriku

🔝Ky promovim është rezultat i një pune të gjatë, i përkushtimit të vazhdueshëm dhe i besimit në projektet sportive që secili klub ka ndërtuar ndër vite. Këto suksese dëshmojnë qartë se puna, organizimi dhe vizioni i mirëfilltë sportiv gjithmonë shpërblehen me arritje të merituara.

🤝Klubeve të promovuara u urova shumë suksese në ligat përkatëse, me bindjen se do të vazhdojnë të forcojnë organizimin profesional, të zhvillojnë kampionate cilësore dhe të japin kontribut të rëndësishëm në avancimin dhe zhvillimin e futbollit dhe futsallit në Kosovë.

Urime për këtë arritje të rëndësishme dhe shumë suksese në këtë kapitull të ri të rrugëtimit tuaj sportiv! 🇽🇰⚽