Presidenti i Federatës së Futbollit të Kosovës (FFK), Agim Ademi, ka bërë të ditur se po merr pjesë në ceremoninë zyrtare të FIFA-s, e cila po mbahet në Trump Tower dhe mbledh presidentët e federatave të futbollit nga mbarë bota, si dhe legjendat e futbollit botëror.

Përmes një postimi në rrjetet sociale, Ademi u shpreh se është nder i veçantë të jetë pjesë e kësaj ngjarjeje.

“Në Trump Tower, pak çaste para fillimit të ceremonisë zyrtare që mbledh presidentët e federatave të futbollit nga mbarë bota dhe legjendat e FIFA-s. Nder i veçantë të jem pjesë e kësaj ngjarjeje që bashkon emrat më të rëndësishëm të futbollit botëror”, ka shkruar Ademi.