2 Korriku 1990 mbetet një nga datat më të rëndësishme në historinë e re të Kosovës. Në këtë ditë, delegatët e Kuvendit të Kosovës, duke vepruar me guxim dhe përgjegjësi në rrethana të jashtëzakonshme, shprehën vullnetin politik të qytetarëve për liri, barazi dhe vetëvendosje në ish-shtetin federativ të atëhershëm.

Ky akt historik, i miratuar para dyerve të mbyllura të Kuvendit, nën presionin e regjimit të atëhershëm serb, u bë një pikë kthese në rrugëtimin e Kosovës drejt shtetësisë. Ai hodhi themelet e proceseve që pasuan dhe që çuan drejt realizimit të aspiratës shumëvjeçare për një shtet të lirë, sovran dhe demokratik.

Sot, duke shënuar 36-vjetorin e Deklaratës Kushtetuese të 2 Korrikut, nderojmë me respekt të gjithë delegatët dhe të gjithë veprimtarët e asaj kohe që, me vizion, përkushtim dhe sakrificë, kontribuuan në rrugën e Kosovës drejt lirisë dhe pavarësisë.

Në emër të Komitetit Ekzekutiv të Federatës së Futbollit të Kosovës dhe në emrin tim personal, u uroj të gjithë qytetarëve të Republikës së Kosovës këtë përvjetor të rëndësishëm historik.

Kjo datë le të na shërbejë si udhërrëfyes për të vazhduar të ndërtojmë një Kosovë gjithnjë e më të fortë dhe të suksesshme, duke ruajtur gjithmonë vlerat mbi të cilat u ngrit shteti ynë.

Urime 2 Korriku!

Zoti e bekoftë Republikën e Kosovës!