Presidenti i Federatës së Futbollit të Kosovës (FFK), Agim Ademi, ka vizituar futbollistët e Kombëtares U21 në prag të ndeshjes së nesërme kundër Finlandës.

Ademi ka vlerësuar përparimin e kësaj gjenerate, duke theksuar se në këtë cikël ka grumbulluar më shumë pikë se në çdo cikël të mëparshëm.

“Ky progres është dëshmi e punës, përkushtimit dhe potencialit të madh që kanë këta djelmosha”, ka shkruar Ademi.

Ai ka shprehur besimin e FFK-së tek ky brez i futbollistëve dhe në rrugëtimin e tyre, duke i cilësuar ata si të ardhmen e futbollit të Kosovës.

“Bashkë për sukses! Forca Kosovë!”, ka përfunduar Ademi.