Presidenti i Federatës së Futbollit të Kosovës (FFK), ka pritur në takim pronarët e rinj të KF Ulpiana, Alban dhe Arben Dragaqina, si dhe presidentin e ri të klubit, Fitim Dragaqina.

Përmes një postimi, Ademi ka bërë të ditur se gjatë takimit është njohur nga afër me vizionin dhe planet e drejtuesve të rinj për ristrukturimin e klubit.

Sipas tij, objektivi kryesor i Ulpianës është rikthimi në Ligën e Parë të Kosovës.

“U përgëzoj për angazhimin dhe gatishmërinë për të investuar në zhvillimin e klubit, duke u uruar shumë suksese në realizimin e objektivave të tyre”, ka shkruar Ademi.

Drejtuesit e rinj të klubit synojnë që përmes investimeve dhe një riorganizimi të klubit, Ulpiana të rikthehet në nivelet më të larta të futbollit kosovar.