Presidenti i FFK-së, Agim Ademi, ka pritur në takim anëtarin e Kryesisë së parë të Federatës së Futbollit të Kosovës, Enver Nuredinin, i cili jeton dhe vepron në Angli.

Ata së bashku biseduan për sfidat e asaj kohe, për përkushtimin e brezit që hodhi themelet e futbollit tonë të pavarur dhe për rrugën që ka bërë Federata e Futbollit e Kosovës deri në ditët e sotme.

“Është gjithmonë frymëzuese të dëgjosh rrëfimet e atyre që, me vizion dhe sakrificë, ndërtuan bazat e suksesit që po e gëzojmë sot. Gjatë vizitës që i bëri objektit të FFK-së, Enveri më përgëzoi për punën e deritashme, progresin e bërë dhe rezultatet e arritura nga futbolli i Kosovës në vitet e fundit. Ai shprehu kënaqësinë për zhvillimin dhe avancimin e Federatës, duke vlerësuar rrugëtimin e saj në arenën vendore dhe ndërkombëtare. Në shenjë mirënjohjeje për kontributin e tij të çmuar, pata kënaqësinë t’i dhuroj një fanellë të veçantë si kujtim të veçantë nga FFK. Faleminderit Enver Nuredinit dhe bashkëkohanikëve të tij për gjithçka që kanë bërë për futbollin e Kosovës. Dyert e FFK-së do të jenë gjithmonë të hapura për njerëzit që kanë shkruar historinë e saj”, ka shkruar Ademi në “Facebook”.