Barcelona ka regjistruar një fitore spektakolare 5-2 ndaj Rayo Vallecanos, duke përmbysur disavantazhin dhe duke u ngjitur në krye të tabelës.

Rayo kaloi e para në epërsi me Sergio Camellon në minutën e 12-të, por Barcelona reagoi shpejt, transmeton Klankosova.tv.

Raphinha barazoi në të 19-tën, ndërsa vetëm dy minuta më vonë Lamine Yamal shënoi një gol fantastik nga distanca për përmbysjen.

Në pjesën e dytë, katalunasit thelluan avantazhin në 3-1 pas autogolit të Florian Lejeunes, por Camello shënoi sërish për ta ngushtuar rezultatin në 3-2.

Barcelona reagoi menjëherë dhe Raphinha realizoi golin e dytë personal për 4-2, ndërsa në fund Lamine Yamal vulosi fitoren me golin e tij të dytë në ndeshje.

Me këtë triumf, Barcelona merr kreun e La Ligës, ndërsa në qendër të suksesit ishin Raphinha dhe Yamal, me nga dy gola secili.