Intervistimi i të dyshuarve për vrasjen e Liridona Ademajt: Reagon vëllai i viktimës

Ditë më parë u tha se të dyshuarit për vrasjen e Liridona Ademajt janë intervistuar nga prokurorja e rastit.

Për këtë ka reaguar vëllai i viktimës, Leonardi.

Ai tha se avokati i tyre ishte në këtë intervistim.

Ademaj tha se janë të kënaqur me mënyrën se si janë intervistuar të dyshuarit për vrasjen e Liridonës.

Postimi i plotë:

Këtë javë prokurorja e rastit sëbashku me hetuesit kanë intervistuar të dyshuarit për vrasjen e Liridonës tonë. Ashtu siç parashihet me ligj, ne si familje kemi marrë pjesë në intervistim përmes avokatit tonë.

Për të respektuar në plotni sekretin hetimor dhe proceduren penale, ne nuk do të komentojmë përmbajtjen e deklarimeve.

Mirëpo, duam ta përmendim që jemi të kënaqur me mënyrën se si prokurorja ka organizuar intervistimin e tyre dhe kemi besim të plotë në të.

Drejtësia duhet dhe do të triumfojë, për Liridonën tonë dhe për të gjitha gratë dhe vajzat e vrara.