Kryetari i Federatës së Futbollit të Kosovës, Agim Ademi, ka rrëfyer detaje nga takimi i tij me presidentin amerikan, Donald Trump, gjatë Kampionatit Botëror.
Në një intervistë ekskluzive për emisionin “Sports Show” në Klan Kosova, Ademi ka sqaruar se takimi nuk ishte zyrtar, por një përshëndetje e shkurtër.
“Ajo ka qenë një përshëndetje. Dallon prej takimit me protokoll. Ka qenë një takim përshëndetës”, tha Ademi.
Ai tregoi se gjatë kësaj përshëndetjeje e kishte falënderuar Trumpin për mbështetjen që Shtetet e Bashkuara i kanë dhënë Kosovës ndër vite.
“Unë thjesht e kam falënderuar për gjithçka që ka bërë për Kosovën, popullin dhe i kam thënë fjalët që populli i Kosovës nuk ju harron kurrë juve dhe të gjithë presidentët e tjerë dhe të gjithë komunitetin dhe popullin amerikan që kanë bërë për Kosovën”, deklaroi kreu i FFK-së.
Sipas Ademit, biseda me Trumpin zgjati vetëm disa minuta.
“Këto kanë qenë fjalët që i kemi shkëmbyer. Dy-tre minutësh ka qenë përshëndetje”, u shpreh ai./Klankosova.tv