Kryetari i Federatës së Futbollit të Kosovës, Agim Ademi, ka folur për takimet që ka pasur me tre futbollësitët shqiptarë të gjigantit gjerman, Bayern Munich.

Në emisionin “Sports Show” në Klan Kosova, Ademi ka treguar edhe për përshtypjen e Erblin Osmanit, Yll Gashit dhe Arion Ibrahimoviçit për futbollin kosovar.

“Këta që kanë pretendime me ardh, ju e dini çfarë futbollistësh janë. Besoj se do të jenë pjesë e Kosovës. Sepse t’i kesh ti në Bayern, Erblin Osmani, Yll Gashi dhe Arion Ibrahimoviçi, është një pasuri jashtëzakonisht e madhe për një shtet, duke përfshi edhe treshen që e kemi në Hoffenhaim.”, ka thënë Ademi.

Ai ka thënë se folur edhe për dallimet ndërmjet futbollistëve që janë rritur në Kosovë dhe atyre që janë lindur e rritur në shtetet evropiane.

“Këta që janë rritë në Kosovë dhe që janë dalë nga Kosova këta i dinë kushtet që kanë qenë dhe janë këtu, mirëpo këta që janë rritë nëpër shtetet e Evropës dhe sidomos këta tre që janë në Bayern. Besoni që këta kur kanë ardhë me i pa kushtet, nuk e kanë pritë që mund t’i ketë Kosova këto kushte. Pra është balancuar futbolli.”, ka thënë Ademi.