“Realiteti i sotëm i spitaleve dukej si ëndërr 9 vite më parë”

Kryeministri Edi Rama në takimin e zhvilluar për “Autonominë Menaxheriale për spitalet rajonale u shpreh mjekësia sot është në një stad tjetër dhe këtë e konfirmon si pacient i QSUT

Edi Rama: Të gjitha pamjet që shohim prapa janë pamje nga realiteti i sotëm i spitaleve. Dhe 7, 8 apo 9 viteve më parë këto pamje do të ishin vetë pamjet të një dëshire, ëndrre që dukej absolutisht e pamundur të realiozohej në një kohë relativisht të shkurtër. Sot jemi në një stad krejt tjetër. Dhe këtë mund ta konfirmoj edhe si pacient i QSUT. Dhe jo më larg se pardje ministri i Jashtëm bëri një operacion në spitalin e sëmundjeve të brendshme dhe më shkruante se nuk mund ta besoj që ky është spitali ynë në Tiranë dhe kështu dëshmojnë shumë njerëz që kanë kaluar në atë spital që nga kushtet dhe ekspertiza, ndër spitalet e mira të Evropës. Më vjen mirë të kujtoj çfarë më tha një nga operuesit e mi dhe ai nuk dyshohet si patronazhist pasi është demokrat 24 karat: Ishte nder të kishim në sallën e operacionit një kryeministër për herë të parë në historinë e shtetit shqiptar. I them këto për të sjellë në aktualitetin e kohës së sotme këtë përpjekje që do ishte e pamundur të mblidheshim sot për kartat e autonomisë spitalore.