Atletico kalon në gjysmëfinale të Copa del Rey

Atletico Madrid ka siguruar gjysmëfinalen e Copa del Rey, duke u bashkuar me Athletic Club, Mallorca dhe Real Sociedad.

Ndeshja e zhvilluar gjatë mbëmjes së të enjtes me Sevillan është mbyllur me rezultat 1-0.

Skuadra nga kryeqyteti spanjoll ka mundur ta gjejë avantazhin gjatë pjesës së parë, por në minutën e njëzet e gjashtë Griezmann nuk është treguar i saktë nga pika e bardhë.

Kjo ka bërë që pjesa e parë të mbyllet pa gola, ndërsa skuadra e trajnerit Diego Simeone ta presë minutën e shtatëdhjetë e nëntë për të gjetur epërsinë po edhe fitoren me golin e Depay.