KF Llapi ka prezantuar zyrtarisht përforcimin më të ri në repartin ofensiv, sulmuesin Kevin D’Almeida, i cili nga sot është pjesë e skuadrës bardhekaltër.

21-vjeçari italo-togolez, i lindur në Modena të Italisë, luan si qendërsulmues dhe me gjatësi 1.90 metra pritet të sjellë forcë dhe prezencë në sulmin e Llapit.

D’Almeida është zhvilluar në akademitë e njohura italiane të Bologna FC dhe Reggiana, ndërsa më pas ka ndërtuar karrierën e tij profesionale në Austri, Estoni, Slloveni dhe Bullgari.