Werder Bremen i shkakton humbjen e dytë sezonale Bayernit

Bayern Munich pëson një humbje befasuese në shtëpi 0-1 përballë Werder Bremen. Golin vendimtar për miqtë e realizoi Weiser në minutën e 59-të, teksa anësori realizoi një gol mjaft të bukur nga e djathta duke shtangur edhe portierin Neuer.

Skuadra e drejtuar nga Thomas Tuchel provoi deri në fund të vendoste baraspeshën, por nuk ia doli me sukses. Kjo disfatë e largon Bayernin nga kreu me Leverkusen që shkëputet me shtatë pikë në krye, edhe pse ka një ndeshje më shumë se bavarezët.