Xhudisti kosovar Shpati Zekaj ka fituar medaljen e bronztë në European Open Sarajevo 2026, duke shënuar një tjetër sukses të rëndësishëm për sportin e Kosovës në arenën ndërkombëtare.

Në kategorinë deri në 100 kilogramë, Zekaj zhvilloi paraqitje të shkëlqyer, duke mposhtur garues nga Rusia, Serbia dhe Gjermania, për t’u ngjitur në podium dhe për të fituar medaljen e bronztë në këtë garë të vlefshme për renditjen botërore dhe rrugëtimin drejt kualifikimit olimpik.

Në këtë garë Kosovën e përfaqësoi edhe Dardan Cena, i cili, pavarësisht paraqitjes së mirë, mbeti pa medalje.

Ministria e Sportit dhe Rinisë përgëzon Shpat Zekajn, Federatën e Xhudos së Kosovës, trajnerët dhe gjithë ekipin për këtë sukses të radhës, duke u uruar arritje edhe më të mëdha në garat e ardhshme ndërkombëtare.