Administrata Tatimore e Kosovës (ATK) u ka bërë thirrje të gjitha bizneseve që të regjistrojnë me kohë punëtorët e rinj dhe të sigurohen që të dhënat e punëtorëve ekzistues të jenë gjithmonë të përditësuara.

Përmes një postimi publik, ATK thekson se regjistrimi i punëtorëve nuk është vetëm obligim ligjor, por edhe një hap i rëndësishëm për mbrojtjen e të drejtave të tyre.

Sipas ATK-së, të dhënat e sakta dhe të përditësuara ndihmojnë në shmangien e parregullsive dhe në përmbushjen e obligimeve ligjore nga ana e punëdhënësve.

ATK u bën apel bizneseve që të respektojnë afatet për regjistrimin e punëtorëve dhe të kujdesen për përditësimin e vazhdueshëm të të dhënave, duke kontribuar kështu në formalizimin e marrëdhënieve të punës dhe zbatimin e legjislacionit në fuqi.