United bën “djallin” në Europa League, fitore spektakolare dhe kualifikim ndaj Lyon, zhgënjen Lazio

Janë mësuar ekipet gjysmëfinaliste të Europa League.

Lazio nuk përmbysi dot humbjen 2-0 në ndeshjen e parë ndaj Bodo/ Glimt, duke ndalur kështu rrugëtimin në këtë kompeticion.

90 minutëshi përfundoi 2-0 (Noslin, Castellanos) për lacialët, ndërsa në shtesë emocionet do ishin të mëdha. Dia ndezi festën vendase por gëzimi zgjati pak pasi Helmerson u përgjigj në krahun tjetër.  Me rezultatin 3-1 ekipet iu drejtuan pikës së bardhë të penalltisë, me Bodo/ Glimt që u tregua më e saktë.

Kualifikimi madh i Manchester United. Barazimi 2-2 në ndeshjen e parë ndaj Lyon linte gjithçka të hapur, ndërsa koha e rregullt këtë mbrëmje u mbyll po 2-2. Golat e Ugarte dhe Dalot krijuan iluzionin se gjërat do të jenë të lehta për “djajtë e kuq”, por nuk ndodhi kështu pasi francezët realizuan dy gola me Tolisso dhe Tagliafico dhe çuan takimin në shtesë. Lyon shënoi me Cherki dhe Laccazete,  United u fut në lojë me Fernandes. Portugezi i hapi rrugë suksesit të madh, Mainoo dhe Maguire ndëshkuan të besuarit e Fonsecas dhe siguruan kualifikimin (rezultati i ndeshjes 5-4).

Ia del edhe Tottenham. Pas barazimit 1-1 ndaj Frankfurt në ndeshjen e parë, në aktin e kthimit, Spurs fituan 0-1. Kualifikohet edhe Bilbao, falë triumfit 2-0 ndaj Rangers, me sfidën e që kishte përfunduar pa gola.

Në Conference League, Chelsea u mund 1-2 nga Legia, por Blutë e Londrës festuan në fund pasi patën fituar 3-0 në takimin e parë. Fiorentina eleminoi Celjen, Betis kaloi pengesën e polakëve të Jagiellonias, ndërsa Djurgarden mposhti SK Rapid, raporton BallkanWeb.