Alessandra Ambrosio pushime në Tokio, publikon foto të zhveshura në xhakuzi

Alessandra Ambrosio ka udhëtuar drejt Tokios dhe është kujdesur që të ndajë foto me miqtë e saj në internet.

Modelja e njohur shpesh përdor rrjetet sociale për të mbajtur kontakte me fansat e saj dhe nëpërmjet tyre u jep atyre një pamje të shkurtër të jetës së saj profesionale dhe personale.

Këtë herë ajo ka publikuar në llogarinë personale në Instagram një sërë fotosh nga udhëtimi i saj në Tokio me partnerin e saj dhe stilistin e bizhuterive, Buck Palmer. Madje, në disa foto, çifti pozon së bashku për aparatin fotografik, të përqafuar.

Mirëpo, fotoja që bëri përshtypje është ajo që tregon Alessandra Ambrosio duke pozuar e zhveshur në një xhakuzi, me pamje nga i gjithë qyteti. Në mbishkrimin me të cilin ka shoqëruar fotot e saj, Alessandra Ambrosio ka shkruar: “Mood for Tokio”.