Lajm i mirë, përkrahje për kultivuesit e trangujve dhe të specave në Rahovec

Kryetari i Komunës së Rahoveci, Smajl Latifi, ka thënë se kjo komunë njihet për tokën e begatë dhe për fermerët e përkushtuar, prandaj sot ka ndërmarrë një hap tjetër për ta forcuar bujqësinë tonë.

“Kam nënshkruar kontratë me kompaninë ‘Agro Celina’ Sh.P.K., për të mbështetur ata që punojnë tokën dhe prodhojnë me përkushtim. Me këtë kontratë, po përkrahim: 5 hektarë kultivim të trangujve; 5 hektarë kultivim të specave; 1 hektar me speca nga farëra hibride (për herë të parë)”, ka njoftuar Latifi.
Ai ka theksuar se Komuna e Rahovecit në bashkëpunim me kompaninë “Agro Celina”, do të mbulojë plotësisht: Fidanet; Plehun akristalor; Mulqerimin; Sistemin pikë-pikë; Ambalazhimin (shportat).

“Ky është një hap konkret në mbështetjen e bujqësisë dhe të fermerëve tanë. Rahoveci po forcon pozitën e tij si një nga qendrat kryesore të bujqësisë. Ne do të vazhdojmë të investojmë dhe të përkrahim njerëzit tanë të punës”, ka thënë kryetari Latifi.