Caktohet gjyqtari për ndeshjen Kosova – Islanda

UEFA e ka caktuar njeriun i cili do ta ndajë drejtësinë në “Fadil Vokrri”, ku të enjten më 20 mars me fillim nga ora 20:45, do të luhet ndeshja tejet e rëndësishme për Kosovën, e cila do të përballet me Islandën për “playoffin” e Ligës B të Kombeve.

Ai është holandezi me origjinë turke, Serdar Gozubuyuk.

39-vjeçari është një nga gjyqtarët më të njohur në skenën ndërkombëtare.

Gozubuyuk ka ndarë drejtësi në të tre garat evropiane të UEFA-s: Ligën e Kampionëve, Ligën e Evropës dhe Ligën e Konferencës.

Holandezi me origjinë turke, në tetor të vitit të kaluar, Gozubuyuk ishte gjyqtar kryesor i ndeshjes së Ligës së Kombeve ndërmjet Polonisë dhe Portugalisë, një ndeshje që u mbush me tension dhe emocione.

Ndeshja kthyese ndërmjet Kosovës dhe Islandës do të luhet më 23 mars në Murcia të Spanjës.