Javën e ardhshme nis “Festivali i Frankofonisë”

Në teatrin Oda në Prishtinë, të premten e 21 marsit, nga ora 19:00 nis Java e Frankofonisë e cila mbahet në datat 21-28 mars 2025. Ky festival fillon në Prishtinë dhe vazhdon në kryeqendrën e Frankofonisë në Gjakovë.

Edicioni i 25-të i këtij festivali, do të jetë i mbushur me ngjarje kulturore ku përgjatë një jave do të ketë vallëzim, teatër, muzikë, film, gastronomi dhe shumë surpriza të tjera.

Me moton “Atmospheres”, nata e hapjes së Frankofonisë, do të festohet me gjuhën dhe kulturën franceze me muzikë dhe vallëzim, duke sjellë kështu energjinë dhe shpirtin e botës frankofone.