10-shi i AAK-së takon ambasadorin William Walker

“Nder i madh sa herë që e takoj Ambasadorin William Walker, njeriun që u bë pasqyra e mizorisë serbe mbi shqiptarët. Autografi i personalizuar në librin për Reçakun është një testament që do ta ruaj si frymëzim dhe si tregim autentik i lirisë”, ka shkruar Besnik Tahiri në Facebook.

Tahiri në zgjedhjet e 9 shkurtit mban numrin 10 në listën e AAK-së.

“Ndihem krenar që në atë periudhë i kam shërbyer misionit të OSBE-së (1998-1999), të udhëhequr nga Ambasadori Walker. Tregimi për Kosovën, e vërteta e saj për sakrificën e një populli dhe miqësia e sinqertë që ai ka mbajtur, e kanë kthyer atë nga ambasador në një simbol që unifikon njerëzit rreth tij”, ka shkruar Tahiri.