Hamza viziton pemëtarët e Kovragës së Istogut: Kosova mundet ma mirë për bujqësinë

Kandidati i PDK-së për kryeministër, Bedri Hamza, ka vizituar pemëtarët e Kovragës së Istogut, të cilët tha se janë shembuj të jashtëzakonshëm të suksesit.

Hamza tha se me ta në qeverisje, do t’i mbështesin të gjithë bujqit në Kosovë dhe do ta mbrojnë punën e tyre.

“Me grante investive, subvencione, qasje më të lehtë në financa, mekanizëm bujqësor dhe infrastrukturë përcjellëse, do t’i mbështesim në punë. Ndërsa, me masa parandaluese dhe sigurime bujqësore, do ta mbrojmë prodhimtarinë e tyre”, shkroi Hamza në Facebook.

Më tej, ai tha se Kosova mundet ma mirë për bujqësinë dhe se bujqit do të kenë më shumë suksese në tokën e tyre.