Putin takohet me kryeministrin sllovak në Moskë, bisedojnë për gazin

Presidenti rus, Vladimir Putin dhe kryeministri sllovak, Robert Fico u takuan në Kremlin më 22 dhjetor për të diskutuar një kontratë që skadon së shpejti që lejon kalimin e gazit natyror rus përmes Ukrainës.

Fico tha se takimi me Putin erdhi si reagim ndaj Ukrainës që tha se nuk do të rinovojë kontratën, e cila do të përfundojë më 31 dhjetor.

“Putin konfirmoi gatishmërinë e [Rusisë] për të vazhduar furnizimin me gaz në Perëndim dhe në Sllovaki”, shkroi Fico në Facebook.

Ai tha se ai dhe Putini shkëmbyen gjithashtu pikëpamje mbi situatën ushtarake në Ukrainë, mundësinë e një zgjidhjeje paqësore të luftës dhe marrëdhëniet e ndërsjella midis Sllovakisë dhe Rusisë.

Fico është një nga liderët e paktë evropianë me të cilët Putini ka mbajtur lidhje që kur Moska filloi pushtimin e saj në shkallë të plotë të Ukrainës gati tre vjet më parë.