Abdixhiku viziton familjen Rugova

Në 80-vjetorin e lindjes së ish-presidentit Ibrahim Rugova, kryetari i LDK-së, Lumir Abdixhiku, ka vizituar familjen Rugova.

“Vizitën e bëra i shoqëruar me udhëtarët e bashkëpunëtorët e ngushtë të presidentit; udhëtarë e bashkëpunëtorë të mi edhe sot, profesor Alush Gashin dhe profesor Muhamet Hamitin. Në traditën tashmë të përvjetme të shënimit të kësaj ditëlindjeje, zonja Fana kishte përgatitur ëmbëlsirën Tiramisu, të preferuarën e presidentit; të shijuar për herë të parë në Romë. Presidenti ka vetëm ditëlindje! 80 vite më parë, lindi shqiptari më i madh i kohërave. Pjesa tjetër është një histori e paarritshme, e papërsëritshme. Ajo na qëndron sot si dritë udhërrëfyese për të bërë të ardhmen!”, ka shkruar Abdixhiku në “Facebook”.