Hamza takohet me Xhakën, e quan kampion dhe shembull për të rinjtë

Kandidati i PDK-së për kryeministër, Bedri Hamza është takuar me futbollistin shqiptar, Granit Xhakën.

Hamza për Xhakën i tha fjalët më të mira, si punëtor, modest e kampion.

Madje e quan shembull për të rinjtë e Kosovës, të cilët kanë synim të arrijnë në arenën ndërkombëtare, nëse kanë mbështetjen e duhur.

“Një takim i veçantë me Granit Xhakën. Punëtor, modest dhe kampion. Shembull i shkëlqyer i asaj që të rinjtë tanë mund të arrijnë në arenën ndërkombëtare, nëse kanë mbështetjen e duhur. Unë do të punoj që çdo i ri të mund ta realizojë potencialin e tij edhe në Kosovë”, ka shkruar Hamza në Facebook.