Presidenti i Federatës së Futbollit të Kosovës, Agim Ademi, ka publikuar një fotografi me presidentin e UEFA, Aleksander Čeferin, gjatë qëndrimit në Kupën e Botës 2026.

Përmes një postimi në rrjetet sociale, Ademi ka vlerësuar rolin e UEFA-s në turneun më të madh të futbollit botëror, duke theksuar se konfederata evropiane vazhdon të ketë një vend të veçantë falë numrit të madh të kombëtareve pjesëmarrëse dhe suksesit të saj në futbollin ndërkombëtar.

“Edhe në Kupën e Botës 2026, UEFA zë një vend të veçantë dhe ka rol të rëndësishëm, si përmes numrit të madh të kombëtareve pjesëmarrëse, ashtu edhe si konfederata më e suksesshme dhe më e fuqishme në futbollin botëror”, ka shkruar Ademi.

Ai i ka uruar suksese presidentit Čeferin dhe të gjitha federatave anëtare të UEFA-s në këtë turne, duke shprehur shpresën që trofeu i Kupës së Botës të rikthehet sërish në Evropë.