Donat Rrudhani: Dihet se sa e rëndësishme është kjo lojë. Forca Kosovë (Video)

Kombëtarja e Kosovës sonte do të luajë ndaj Rumanisë në kuadër të Ligës së Kombeve, ndeshje kjo e cila do të zhvillohet në Bukuresht.

Kombëtarja jonë në ndeshjen kundër Rumanisë hyn e hendikepuar me mungesën e shumë futbollistëve të rëndësishëm, si pasojë e lëndimeve.

Megjithatë, përkundër mungesave të rëndësishme atmosfera në Kombëtaren e Kosovës duket shumë pozitive.

Para kësaj ndeshje lojtarët tanë kanë marrë shumë mesazhe inkurajuese nga bashkëlojtarët e tyre.

Një mesazh ka ardhur edhe nga futbollisti Donat Rrudhani: “Përshëndetje djem. Me vjen keq që nuk jam në mesin e juaj, ju uroj shumë fat dhe ishalla ktheheni në Kosovë me tri pikë. Dihet se sa e rëndësishme është kjo lojë. Forca Kosovë. Forca djema”.

Këtë energji pozitive pa dyshim e ka sjellë fakti që FFK-ja me kreun e saj Agim Ademi këtë vit kanë bërë rekord prurjesh të reja dhe cilësore, duke filluar nga Elvis Rexhbeçaj e për të vazhduar me Fisnik Asllanin, Eliot Bujupin, Amir Saipin, Andi Hotin, Muharrem Jasharin, Baton Zabërgjën, Art Smakajn, Leard Sadriun.