Limaj me vlerësime të larta për Zafir Berishën, kandidat për deputet

Kryetari i Nismës, Fatmir Limaj, ka prezantuar kandidatin për deputet, ish-bashkëluftëtarin e tij dhe ish-deputetin, kryetarin e NISMA-së në Prizren, Zafir Berisha!

“Zafir Berisha është një figurë e njohur dhe e respektuar, jo vetëm për angazhimin e tij të palodhshëm në periudhën e luftës, por edhe për kontributin e çmuar që ka dhënë gjatë viteve të shërbimit të tij si deputet i Kosovës”.

“Duke besuar në vlerat e tij dhe duke pasur besim në vizionin e tij për Kosovën, jam i bindur se Zafir Berisha është i duhuri për të përfaqësuar interesat e qytetarëve tanë në Kuvendin e Kosovës”, ka shkruar Limaj në Facebook.