Agjencia e Statistikave të Kosovës (ASK) në bashkëpunim me Ministrinë e Arsimit dhe Shkencës  ka publikuar statistikat e arsimit për vitin shkollor 2025/2026, sipas së cilave sivjet ka pasë më pak nxënës dhe studentë sesa një vit më parë.

Ndërkaq numri i fëmijëve në çerdhe dhe parashkollor për vitin shkollor 2025/2026 ishte 35 948, ku krahasuar me vitin paraprak (2024/2025), që ishte 34 038 fëmijë, kishte një rritje të lehtë të numrit  prej 1 910 fëmijë më shumë.

Në sektorin publik në vitin shkollor 2025/2026 ishin 24 422 fëmijë ose 67,9 %, ndërsa në sektorin privat ishin 11 526 fëmijë ose 32,1 %, ndërkaq me vitin paraprak (2024/2025) në sektorin publik ishin 23 349 fëmijë ose 68,6 %, ndërsa në sektorin privat ishin 10 689 fëmijë ose 31,4 %.