Shërbimit Urgjent në Prizren i shtohen dy autoambulanca të reja

Komuna e Prizrenit i ka dhuruar sot Shërbimit Urgjent të Prizrenit dy autoambulanca të reja.

Kryetari i komunës, Shaqir Totaj ka njoftuar se ato janë të pajisura me të gjitha mjetet e nevojshme mjekësore për përgjigje të shpejtë dhe efikase në rastet emergjente.

“Këto autoambulanca dhe kujdesi mjekësor cilësor në kohë e ngrit edhe më shumë nivelin e sigurisë shëndetësore për të gjithë banorët e rajonit tonë”, ka shkruar ai në Facebook.